Wag kang mag-alala, Takot na 'ko Hindi dahil sa'yo

-
Wag ka nang mag-alala, takot na 'ko Hindi na ulit ako magnanakaw ng tingin sa'yo Dahil...dahil...likas na sa panahong ito ang paglayo At anong haba man ng mga usapan, matatapos din sa dulo Anong saya man ng takbo ng ating paglalandian, magsasawa rin ang isa —maghahanap pa rin ng iba, dahil hindi ako 'siya' ,di ba? Wag kang mag-alala, takot na 'ko Hindi na ulit ako sadyang lilingon sa dako mo Dahil...dahil...masakit, na sa tuwing haharap, iba na naman ang nakatawag ng interes mo At anong ganda man ng suot ko, kukupas na rin ang kulay dahil ilang araw lang ang bibilangin para mawala ang tingkad nito para sayo Wag ka nang mag-alala, takot na 'ko Hindi na magsisimula ng paksa at sasagutin lang ng "Ewan ko" Dahil... dahil...magmumukha na naman akong tanga sa'yo At sukdulan man ang katangahan na 'to, walang epekto dahil sa mahal mo, mahal ko Wag kang mag-alala, takot na 'ko Hindi na kailangang sagutin ang naipong mga tanong ko Dahil...dahil...dahan dahan nang maglalakad patungo sa kabilang dulong kabilang ako Laya ka na, bibitaw na, kahit na ni tapik, di nagawa Wag kang mag-alala, takot na 'ko Hindi ko na susundan ng tingin ang paglakad mo palayo Dahil...dahil...baka mahalata mo sa iyong pagbabalik-tanaw Na hindi lang riles ang nadaanan mo Ako, nilagpasan mo Wag kang mag-alala, takot na 'ko Hindi na magpapakalunod sa malamlam na mga mata mo Dahil...dahil...baka sa susunod, di na 'ko makaahon Wala pa namang tutulong, sariling buhat para di gustuhing tumira na lang sa loob ng iyong mundo hanggang dapithapon Wag ka nang mag-alala, takot na 'ko Hindi na aaraw-arawin ang pananatili sa pahina mo Dahil...dahil...baka may ibang matamaan sa likod na pinapakita mo Baka magalit ang iba pang humahanga sa'yo dahil matamang nagpapapansin ako At Oo, mahal, Wag ka nang mag-alala, takot na 'ko Hindi na ako naniniwala sa mga sinumpaang pangako Dahil...dahil...nakita kong sa kanang mata ng aking ina pumatak ang unang luha Masakit daw pala maloko nilang dalawa Nakakamatay na malamang hindi daw siya ang unang minahal ng aking ama Sobrang kirot daw nang malamang pinagkaisahan siya sa likod ng kanyang mata Kaya wag ka nang mag-alala, takot na 'ko Hindi ko nanaising maranasan ang sumpa sa likod ng mga pangako Hindi din gugustuhing maloko at ipagpalit sa nauna nang kinatagpo Kaya ngayong wala naman akong laban, Wag na suklian ng ngiti ang mga ngiti ko Wag na sagutin ang mga tanong ko Wag na palitan ng kasinungalingan ang mga bagay para di masakit sa loob ko Gusto ko ng totoo . Itutuloy pa ba? Tuloy. Wag ka nang mag-alala,takot na 'ko Hindi na lang dahil sa'yo Di mo alam na nasa iyo na 'ko At bibitaw na Natakot na ko. Tapos na.

Comments

Post a Comment

Popular posts from this blog

A Fairy Song Analysis by William Shakespeare

-
A Fairy Song William Shakespeare Over hill, over dale, Thorough bush, thorough brier, Over park, over pale, Thorough flood, thorough fire! I do wander everywhere, Swifter than the moon's sphere; And I serve the Fairy Queen, To dew her orbs upon the green; The cowslips tall her pensioners be; In their gold coats spots you see; Those be rubies, fairy favours; In those freckles live their savours; I must go seek some dewdrops here, And hang a pearl in every cowslip's ear. Part 1 - Understanding the Elements 1. Give atleast 3 elements of poetry used by the poet and explain how this elements contribute into understanding the poem.       a. Use of Figurative Language Devices               Hyperbole : Line 4 & Line 6                       Thorough f...
Read more

Liham mula kay Soledad para sa aking ika-18

-
Araw rin 'to ng mga mangagawa. Mayo Uno. Dapat, nasa lansangan tayo para makiisa sa pagtatanggal ng endo. Per Kulangot. Kahit kailan, hindi kita nirespeto bilang EIC o mas nakatatalino dahil mas mataas ka ng rank sa'kin kasi, para sa'kin, hindi ikaw ang Chritine na iginagalang ng marami. Ikaw ang Chritine na naamoy ko ang lahat ng baho at siyempre, nakidungis din sa putik mo sa mukha. Ikaw 'yung kulangot na ipinahid na sa pader, aba, sumasama pa rin sa daliri. Ikaw 'yung tae sa banyo na ayaw lumubog kasi, ewan, tinubol ata ako no'n. Ikaw 'yung ingrown sa kuko na kahit ilang beses ipalinis, matindi, tumutubo pa ring lintik ka. Ikaw 'yung...kahit gano'n lang ang tingin sa sarili, tinuring kong mahalagang bahagi ng araw-araw ko. At 18 ka na, so, legal ka na. Magtino na tayo sa pagtawid. Baka masita tayo ng J-Walking. Mahirap nang matulog sa presinto. Mahal kita. 'Lam mo 'yan.  God bless. P.S. Surprise mo naman ako sa debut ko. Biro lang.
Read more

JP (1)

-
 Pangalawang gabi ng hindi natin pag-uusap Masakit. Sinasanay mo na yata akong mag-isa Sa kagandahan ng buwan kanina, ikaw ang nasa hinagap Magiging mas kabigha-bighani siguro kung nandyan ka Kung katulad ng dati, ay nasasabihan ka Kung gaano kaakit-akit ang mga bagay sa pagitan man ng ilang milya Pero, malayo ka na Mas malayo pa sa Laguna--kung saan ka nakatira Mas malayo pa siguro sa pagitan ko at ng mga tala kanina Hindi ko na alam kung ni ang panaginip ko ay maaabot ka pa Alam mo, natatakot na ko Kasi, nababatid ko na ang tuluyan mong paglaho Habang natutulog ka nang mahimbing, sana Sana maipahinga ko rin ang mga mata ko katulad mo Sana naipapahinga ko rin ang isip, Sana naipapahinga ko rin ang puso ko Sana umaga na Sana sumikat na ang umaga, ulit Kasi sa umaga ko nalang nararamdaman ang kapayapaan  ng puso, isip, at diwa. Umaga ko nalang nararamdaman ang pag-ibig na sana ay maibalik pa Tatlong araw ko nang pinagsisihan ang mga salita Na nasambit ng nanginginig na labi sa ...
Read more