Wikang Isinantabi,Pakinggan,May Sinasabi

-

Sa ilang libong araw kong pamamalagi sa mundo
Namulat ako sa isang lugar kung saan lahat nagbabago
At tanging yaring pagbabago ang tanging permanenteng siklo
Sa araw-araw man na nilikha ng Diyos ang tao

Magulo ang mundo, base sa pagtingin ng mata
Lahat ng maaaring pag-awayan, papatulan ng mga walang pinag-aralan
Lahat ng maaring siraan, sisiraan ng mga di tumitingin sa salamin
Lahat ng nais pintasan, pipintasan dahil mali base sa kanilang paningin

Pilipino nga naman, tinuringang pag-asa ng mga naunang pantas
Ngayon,itong mga Pilipino'y ikinakahiya ang kanilang antas
Hindi na kinakitaan ng mga binibigkas na sinusumpaang mga panata
Purong opinyong mapagmataas ang mababatid sa kanilang bawat salita

Filipino ang wikang kinagisnan mula pagsilang
Kasa-kasama sa paghakbang mula kuna hanggang sa ilang
Filipino na lingua franca na sinasalita ninuman
Hindi binibigyang halaga dahil sabi nga nila "Filipino? Alam na natin yan"

Hanggang itong mga Pilipino ay nakasumpong ng mga banyagang nguso
Tinalikuran ang kinagisnang wika, sabay sabing "Hi,how are you, annyeonghaseyo"
Lumilipad sa kung saan-saang panig ng mundo—
Babalik sa Patria adorada, ‘di na magsasalita ng Filipino dahil “cheap” daw ito

Nais nga ba natin ng pagbabago?
Sa mga inuusal ng bibig, mukhang mainam pa na wag na tayong maging optimistiko
Dahil higit pa tayo sa hayop na walang kinatatalian ng prinsipyo
At mas malansa na tayo sa mga isdang tinutukoy ni Rizal—bulok na tayo

Wikang Filipino nga dapat ay maging mapagbago
Susunod sa kung paano umiikot ang mundo nating mga modernong tao
Dapat ginagamit yaring wika upang makilala ang lahing hinihintay nina Elias at Ibarra
Hindi dapat ikinukumpara sa ibang kultura

Wikang Filipino nga, tulay ng pagkakaunawaan
Laging nakaantabay kung hindi na kaya ng iyong kalamnan—
Ang pagbuhos ng dugo dulot ng pagkukunwaring itinuran;
Naghihintay na ika’y bumalik sa kanyang kanlungan

Nais pa rin ba natin ng pagbabago?
Magsisimula yan sa pasya mo—sa iyo
Ngayon, kailangan mo nang magsalita nang deretso
Ang kinabukasan ng bansang ito’y nakasalalay sa wika na pinapairal mo




Comments

Post a Comment

Popular posts from this blog

A Fairy Song Analysis by William Shakespeare

-
A Fairy Song William Shakespeare Over hill, over dale, Thorough bush, thorough brier, Over park, over pale, Thorough flood, thorough fire! I do wander everywhere, Swifter than the moon's sphere; And I serve the Fairy Queen, To dew her orbs upon the green; The cowslips tall her pensioners be; In their gold coats spots you see; Those be rubies, fairy favours; In those freckles live their savours; I must go seek some dewdrops here, And hang a pearl in every cowslip's ear. Part 1 - Understanding the Elements 1. Give atleast 3 elements of poetry used by the poet and explain how this elements contribute into understanding the poem.       a. Use of Figurative Language Devices               Hyperbole : Line 4 & Line 6                       Thorough f...
Read more

Liham mula kay Soledad para sa aking ika-18

-
Araw rin 'to ng mga mangagawa. Mayo Uno. Dapat, nasa lansangan tayo para makiisa sa pagtatanggal ng endo. Per Kulangot. Kahit kailan, hindi kita nirespeto bilang EIC o mas nakatatalino dahil mas mataas ka ng rank sa'kin kasi, para sa'kin, hindi ikaw ang Chritine na iginagalang ng marami. Ikaw ang Chritine na naamoy ko ang lahat ng baho at siyempre, nakidungis din sa putik mo sa mukha. Ikaw 'yung kulangot na ipinahid na sa pader, aba, sumasama pa rin sa daliri. Ikaw 'yung tae sa banyo na ayaw lumubog kasi, ewan, tinubol ata ako no'n. Ikaw 'yung ingrown sa kuko na kahit ilang beses ipalinis, matindi, tumutubo pa ring lintik ka. Ikaw 'yung...kahit gano'n lang ang tingin sa sarili, tinuring kong mahalagang bahagi ng araw-araw ko. At 18 ka na, so, legal ka na. Magtino na tayo sa pagtawid. Baka masita tayo ng J-Walking. Mahirap nang matulog sa presinto. Mahal kita. 'Lam mo 'yan.  God bless. P.S. Surprise mo naman ako sa debut ko. Biro lang.
Read more

JP (1)

-
 Pangalawang gabi ng hindi natin pag-uusap Masakit. Sinasanay mo na yata akong mag-isa Sa kagandahan ng buwan kanina, ikaw ang nasa hinagap Magiging mas kabigha-bighani siguro kung nandyan ka Kung katulad ng dati, ay nasasabihan ka Kung gaano kaakit-akit ang mga bagay sa pagitan man ng ilang milya Pero, malayo ka na Mas malayo pa sa Laguna--kung saan ka nakatira Mas malayo pa siguro sa pagitan ko at ng mga tala kanina Hindi ko na alam kung ni ang panaginip ko ay maaabot ka pa Alam mo, natatakot na ko Kasi, nababatid ko na ang tuluyan mong paglaho Habang natutulog ka nang mahimbing, sana Sana maipahinga ko rin ang mga mata ko katulad mo Sana naipapahinga ko rin ang isip, Sana naipapahinga ko rin ang puso ko Sana umaga na Sana sumikat na ang umaga, ulit Kasi sa umaga ko nalang nararamdaman ang kapayapaan  ng puso, isip, at diwa. Umaga ko nalang nararamdaman ang pag-ibig na sana ay maibalik pa Tatlong araw ko nang pinagsisihan ang mga salita Na nasambit ng nanginginig na labi sa ...
Read more